Sogeviso é un servicer inmobiliario especializado na xestión socialmente responsable e economicamente
sostible de carteiras de inmobles, proporcionando valor reputacional á propiedade.

Como complemento á xestión inmobiliaria clásica, Sogeviso achega experiencia na xestión das persoas e as súas problemáticas socioeconómicas, sendo empático co acontecer na sociedade en relación á vivenda e facilitando a relación propiedade-inquilino.

A base da nosa actuación estriba no coñecemento do inquilino, a evolución da súa situación económica e, no seu caso, recoñecendo a súa vulnerabilidade e establecendo un modelo de xestión baseado nela.

En tales casos, traballamos para mellorar a capacidade de renda das persoas que compoñen a unidade familiar (inquilinos de alugueiro social), con accións socioeducativas ou de inserción laboral (Contrato Social).

Finalmente Sogeviso, coñecedor do déficit de parques de vivenda con alugueiro accesible, desenvolveu un modelo de colaboración público-privada para a promoción de vivendas en alugueiro, achegando ademais a súa metodoloxía social de xestión.

Xestionamos proactivamente o parque de vivendas en alugueiro accesible ou social reducindo a taxa de impagamento e evitando que os inmobles deriven en activos improdutivos.

Familias/inquilinos

Establecemos mecanismos para o seu coñecemento e, chegado o caso de situación de vulnerabilidade, dotamos aos membros da unidade familiar de medios para mellorar as súas perspectivas socioeconómicas e, no posible, solucionar a situación.